“Shija e Veriut” është një markë e regjistruar për promovimin e produkteve të bashkive Vau Dejës, Pukë dhe Fushë Arrëz në veri të Shqipërisë. Të frymëzuar nga eksperienca e promovimit territorial rajonit Emilia-Romagna, “Shija e Veriut” ka si qëllim promovimin e ofertave gastronomike dhe turistike të këtij rajoni si dhe të mbështesë bashkëpunimet mes blegtorëve, prodhuesve, operatorëve turistik, shoqatave dhe stakeholder-ve të tjerë.

Kolona e zixhirit agro-ushqimor e kësaj zone të gjerë malore ka qenë mbarështimi i përhershëm i deleve dhe dhive. Të gjitha sot, ferma të vogla dhe laboratore në kushte familjare, të cilat mbajnë gjallë këto aktivitete tradicionale, duke përdorur në mënyrë të qëndrueshme pasuritë që ofrojnë pyjet dhe kullotat e zonës.  Në mënyrë të veçantë metodat e prodhimit të djathit ruajnë një lidhje të ngushtë me kontekstin malor dhe lejojnë të përftohen djathra me cilësi dhe karakteristika unike organoleptike.

Por ka edhe të tjera. Pyjet me pisha dhe lisa të zonës favorizojnë rritjen e kërpurdhave (kryesisht porçini) të cilave ju bashkohet edhe prodhimi i pasur me fruta pylli dhe jo vetëm (boronica, thana dhe dredhëzat mbretërojnë mbi të gjitha). Rakia (një brand me bazë frutat, tipike për zonat e Ballkanit), reçelërat, kompostot dhe frutat e thata janë rezultat i shijes së këtyre pasurive natyrore. Një tjeter produkt i rëndësishëm i zonës është edhe mjalti. Mjalti i luleve, i gështenjës dhe i trumzës janë llojet që më së shumti prodhohen me pasion nga shumë bletërritës të këtyre zonave malore.

Nuk mbetet gjë tjeter veç se të themi se: ti provosh në vend këto produkte është akoma më speciale, kjo falë bukurive natyrore dhe mikpritjes së famshme të banorëve të këtyre zonave. Në këto rajone, në fakt, miku është gjithmonë subjekt i një mikpritje të veçantë, sipas traditave shekullore të mikpritjes që karakterizon malet e Shqipërisë.

Kjo faqe webi është një përmbledhje ofertash agro-ushqimore, natyrore dhe turistike për zonat Vau Dejës, Pukë dhe Fushë Arrëz, në dispozicion të gjithkujt që dëshiron të dijë më shumë rreth këtij rajoni jashtë rrugëtimeve turistike që jemi mësuar, nga kurioz të apasionuar pas tureve eno-gastronomike dhe kush dëshiron të eksplorojë pa patur nevojë për fluturime ndërkontinentale me çmime të shtrenjta.

Shija e Veriut është krijuar falë bashkëpunimit të aktorëve lokalë në kuader të projektit “Aleanca për Zhvillimin dhe Vlerësimin e Bujqësisë Familjare në Veri të Shqipërisë”, zbatuar nga Volontari nel Mondo RTM dhe financuar nga AICS – Agjencia Italiane e Bashkëpunimit për Zhvillim.