Djathë
Djathë Shija e Veriut
Djathi i dhisë dhe i deles me markën Shija e Veriut është garanci e produkteve me kualitet të lartë që vijnë nga Bashkitë Vau Dejës, Pukë dhe Fushë Arrëz. Prodhuesit të cilët i janë bashkuar kësaj marke respektojnë disa praktika tradicionale të unifikuara për sa i përket mbarështimit dhe përpunimit të qumështit, duke ofruar djathë të bardhë dhe kaçkavall me një shije unike dhe 100% natyrale.
Djathë i bardhë
Djathi i Bardhë është produkt i një cilësie të lartë 100% natyral, i cili vjen kryesisht nga përpunimi i qumështit të dhisë dhe deles në zonat Vau Dejës, Pukë dhe Fushë Arrëz. Me pasuri të shumta natyrore dhe të njohura për traditën e mbarështimit dhe përpunimit këto zona arrijnë të prodhojnë djathë sipas metodave tradicional dhe me shije të pakrahasueshme. Fermerët e bashkuar në marken “Shija e Veriut” i përmbahen plotësisht rregullores së prodhimit dhe përpunimit të qumështit, çka e bën djathin e bardhë unikal në llojin e tij.
Kaçkavall
Djathi kaçkavall i prodhuar me qumësht dhie është një kombinim i shijes tradicionale me modernen, një risi e përpunimit të qumështit të dhisë në zonat Fushë Arrëz, Pukë dhe Vau Dejës. Ky djathë me bazë qumështin e dhisë dhe me një përzierje jo më shumë se 10% qumësht lope ose deleje sjell jo vetem vlera të larta ushqyese për shëndetin por edhe një shije që të mbetet gjatë në mendje.
Ku mund ti gjej?
Kontaktoni një nga fermat Shija e Veriut që ofrojnë djathë dhe produkte të tjera lokale!
